Vajza, kuptojeni me këta hapa të thjeshtë se burri po ju tradhton

Njerëzit tradhtojnë dhe kanë sjellje të pabesa, pavarësisht gjinisë apo statusit të tyre social.

Pabesia apo mungesa e besimit shkakton probleme të shumta, te çifti, te secili nga pjesëtarët e tij, por dhe te e gjithë familja.

Dashuria është një punë që kërkon shumë kohë dhe mund, angazhim dhe përgjegjësi, sidomos kur në çift hyn monotonia, por dhe bisedat e përditshme mbi mbarëvajtjen e shtëpisë.

Në vendin tonë situata komplikohet më shumë, sepse gratë nuk janë pjesë aktive e tregut të punës dhe detyrohen të qëndrojnë në shtëpi duke u kujdesur për të.

Një tjetër element që e bën pabesinë më të thjeshtë në vendin tonë, është standardi gjinor. Në kulturën tonë patriarkale është shumë më e dënueshme kur një sjellje e pabesë ndodh nga gruaja sesa nga burri, për këtë arsye do të zbulojmë se si të dallojmë një burrë që tradhton.

Si fillim duhet të kemi parasysh që partneri që tradhton, do të lërë mbrapa vetes disa prova, të cilat shërbejnë që të kuptojmë dhe të vulosim dyshimin që mund të ekzistojë.

Kur jetojmë me dikë prej shumë vitesh, kemi mësuar ritualin dhe sjelljet e përditshme të tij. Përditshmërinë, karakterin, shijet, aktivitetet mbas punës, por dhe miqësitë.

Këtu duhet të jemi të kujdesshëm sepse në rast tradhtie të gjitha këto sjellje të përditshme fillojnë të ndryshojnë.

Përpara se të fillojmë me pikat kryesore kuptoni që ndryshimet e humorit që ndodhin gjatë një periudhe të vështirë mund të shkaktohen nga ankthi dhe stresi dhe nuk janë gjithmonë rezultat i një sjellje të pabesë, transmeton living.al. Për të folur për tradhti kemi nevojë për më shumë të dhëna dhe metoda efikase.

Ndryshim në dukje dhe shije: E përmenda dhe më lart që mbas një jetë së bashku, sintonia dhe konfidenca që kemi me partnerin është në nivele të larta. Na duket sikur njohim tjetrin dhe sjelljet e tij sikurse njohim xhepin tonë.

Kështu që një ndryshim estetik, apo një dëshirë për t’u dukur ndryshe, si në peshë, por dhe në dukje janë elementë mbi të cilat duhet reflektuar.

Një tjetër element mund të jetë ndryshimi i shijeve muzikore, i pijeve i filmave apo interesi ndaj elementëve për të cilët më përpara ka qenë indiferent. Një aksesor modern, celular, makinë, veshje e kështu më radhë.

Miqësi të reja: Miqtë dhe mikeshat e reja nuk janë sinonim i një dashnoreje. Është normale që gjatë jetës të njohim persona të rinj më të cilët duam të bëhemi miq.

Është gjithashtu shumë normale që pjesëtarët e çiftit të kenë miq të ndarë apo pasione dhe hapësira personale dhe individuale.

Të gjitha këto sjellje janë normale, duhet të dyshojmë vetëm nëse partneri ynë nuk ka më dëshirë të ndajë më ty asnjë nga këto miqësi të reja. Kur daljet me miqtë e rinj janë si sekrete shtetërore duke përdorur sjellje dhe mënyra të reja të prezantimit të tyre.

Përdorimi i tepërt i celularit: Në epokën e internetit është e pritshme që njohjet dhe tradhtitë të ndodhin nëpërmjet kanaleve të reja të komunikimit.

E vetmja gjë pozitive është që pikërisht nëpërmjet këtyre mjeteve mund të zbulohet më shpejtë një sjellje e pahijshme.

Një partner jo besnik përdor më shumë telefonin dhe rrjetet sociale, apo aplikacione si Ëhatsapp, Viber, Telegram ose është në vazhdimësi me celularin me vete, edhe në tualet, për kohë të gjatë.

Kur gjërat ndryshojnë celulari nuk lihet më vetëm, laptopi nuk lihet më i hapur dhe lista e miqve pasurohet me njohje të reja për të cilat nuk je në dijeni.

Ndryshime humori: Një tradhti nuk mund të ndodhë pa lënë shenja emocionale të ai që e kryen. Ndjenjat mund të jenë të ndryshme, ose ndonjë gëzim i madh, ndonjë dëshirë e re për jetën e shoqëruar me ndryshime në dukje dhe stil, ose momente inati, mërzie deri te ndjenja e fajit.

Të gjitha këto emocione alternohen, duke e bërë shumë të vështirë identifikimin e krimit. Duhet të kuptojmë që ky ndryshim bëhet më i dukshëm, kur flasim për tema kyçe për çiftin, për familjen apo për të ardhmen.

Më pak kohë cilësorë në çift: Edhe nëse jetoni në shtëpinë e njëjtë, por dhe nëse jetoni në shtëpi të ndara, nëse jeni çift prej shumë kohësh e keni një ritual apo traditë të caktuar gjatë takimeve.

Një sinjal që na tregon nëse ka tradhti është koha e kaluar së bashku e cila reduktohet bindshëm.

Ndoshta ajo darka shtyhet, ndoshta orët e punës janë më të gjata, ndoshta koha në palestër është më e gjatë, ndoshta takimet me shokët janë më të shpeshta. Kërkimi i vazhdueshëm i hapësirave individuale është një sinjal për të ngritur kontrollin.

Prova, prova, prova: Njolla të dyshimta, aroma të reja, fatura të çuditshme, asnjë tradhti nuk vjen pa provën përkatëse.

Në ditët e sotme është më e vështirë sepse mesazhet mund të fshihen, celulari mund të ketë kod, laptopi mund të ketë gjithashtu folder sekret, por gjithmonë, gjithmonë, tradhtari harron diçka pa fshehur. Vëzhgo me kujdes.

Sido që të jetë situata juaj, merrni frymë thellë. Është shumë e lehtë të shkosh drejt ndarjes dhe shumë e vështirë të kuptosh arsyet e tjetrit.

Në shumicën e rasteve në një çift kanë përgjegjësi dy veta, prandaj është shumë e rëndësishme të pyesim edhe veten se pse situata shkoi deri aty.

Gjëja më e lehtë që në mund të bëjmë është të prishim marrëdhënien, më e vështira është ta ruajmë atë dhe ta rikuperojmë respektin dhe dashurinë.

Natyrisht nuk ka formula empirike, por gjatë shumë viteve së bashku njerëzit ndryshojnë, sikurse duhet të ndryshojë edhe lidhja juaj.

Shpërndaje

Comments are closed.