Përfundoi shkolla verore për nxënësit nga diaspora

Organizuar nga Ministria e Diasporës dhe Investimeve Strategjike, pas pesë ditëve me plot aktivitete, përfundoi me sukses shkolla verore 2019.

Shkolla verore u mbajt në Rugovë dhe morën pjesë 37 nxënës dhe mësues nga diaspora dhe Kosova.

Me aktivitete të shumta që kishin për qëllim zhvillimin e personalitetit dhe shkathtësive të nxënësve, zhvillimin e mendimit kritik e kreativ, socializimin dhe krijimin e shoqërive të reja e shumë aktivitete të tjera atraktive e sportive, nxënësit sfiduan njëri-tjetrin duke e bërë kështu shkollën verore njërën nga përjetimet më të mira të kësaj vere.

Krahas tyre, ata vizituan bukuritë natyrore, si Grykën e Rugovës e Valbonën, ku u njohën me gjeografinë dhe relievin e këtyre anëve.

Ruajtja e identitetit kombëtar, gjuhësor dhe kulturor, shkëmbimi i përvojave dhe kulturave të ndryshme, socializimi dhe krijimi i lidhjeve të reja shoqërore ishin disa nga qëllimet që u arritën falë angazhimit të të gjithë atyre që kontribuuan për realizimin e kësaj shkolle.

Shpërndaje

Leave a Comment

Your email address will not be published. Required fields are marked *

*