Paralajmëron Ankaraja, pas zgjerimit në detin Jon me 12 milje: Nuk do ta lejojmë Greqinë e Madhe

Turqia paralajmëroi Greqinë të mërkurën që të mos shtrijë ujërat e saj territoriale në Egje në 12 milje detare.

Paralajmërimi i Ankarasë erdhi pasi parlamenti në Athinë votoi me shumicë dërrmuese për të ratifikuar një projekt-ligj për shtrirjen e ujërave territoriale Greke në Detin Jon.

Turqia ka të drejta dhe interesa jetësore në Detin Egje gjysmë të mbyllur, ku mbizotërojnë rrethana të veçanta gjeografike,” tha zëdhënësi i ministrisë së punëve të jashtme të Turqisë Hami Aksoy.

Ai shtoi se “ujërat territoriale në Detin Egje nuk duhet të shtrihen në mënyrë të njëanshme në një mënyrë për të kufizuar lirinë e lundrimit, si dhe hyrjen në det të hapur si të Turqisë dhe vendeve të treta”.
Duke folur në parlament të Mërkurën, Kryeministri Kyriakos Mitsotakis tha se Greqia mbajti të drejtën për të ushtruar të drejtat përkatëse pjesë të tjera të territorit të saj.

“Greqia padyshim gjithashtu mund ta ushtrojë këtë të drejtë rreth Kretës, por në një kohë, në një mënyrë dhe në kushtet e zgjedhjes së saj,” tha ai.

Mitsotakis tha se vendi po zgjeronte territorin e tij sovran “as duke aneksuar territorin (e huaj), as në kurriz të shteteve të tjera, por duke ndjekur procedurat që bazohen në të drejtën ndërkombëtare”.

Shpërndaje