Milaim Zeka paralajmëron se Specialja do ta godasë edhe Ramush Haradinajn dhe Fatmir Limajn

Ish-deputeti i Kuvendit të Kosovës, njëherësh gazetar, Milaim Zeka, ka folur rreth zhvillimeve të fundit në vend, ku presidenti Hashim Thaçi dhe kreu i PDK-së Kadri Veseli akuzohen për krime lufte nga Prokuroria e Hagës.

Aktakuzat ndaj Thaçit dhe Veselit në një kohë kur ata ishin nisur për negociata në SHBA, Zeka i quajti një bombardim politik ndaj Kosovës.

Po ashtu, Zeka sqaroi se në aktakuza janë përfshirë edhe 9 emra të tjerë të profilit shumë të lartë në Kosovë ndërsa në total janë 80 personalitete të luftës dhe paqes.

“Ne këtë aktakuzë janë të përfshirë edhe 9 emra të profilit shumë të lartë të politikës të Kosovës, në total rreth 80 personalitet të luftës dhe të paqes. Një e papritur për të cilën kam paralajmëru publikisht para 5 vitesh kur publikova një listë, ” u shpreh Zeka.

Zeka paralajmëroi gjithashtu se do të ketë edhe një rigoditje ndaj Ramush Haradinjat, Fatmir Limajt.

“Do të ketë një rigoditje edhe ndaj Haradinajt, Fatmir Limajt e të tjerëve,” u shpreh Zeka.

Po ashtu, Zeka u shpreh se për fatin e tyre të keq, politikanët nuk i marrin parasysh ato që paralajmërojnë gazetarët./parrotlla.net/

Shpërndaje

Comments are closed.