“Dilni, braktisni ambientin”, çasti kur kongresmenët njoftohen për vërshimin e protestuesve në ndërtesë (VIDEO)

Videoja e mëposhtme tregon momentin kur kongresmenët, të cilët do të certifikonin fitoren e Biden, lajmërohen nga forcat e sigurisë se duhet ta braktisin ndërtesën.

Menjëherë, sapo mbështetësit e Trump vërshuan në ndërtesë, të gjithë kongresmenët u lajmëruan dhe u ngritën që të braktisnin sallën.

Certifikimi i Joe Biden si president ka sjellë tensione të mëdha në SHBA. Turma e mbështetësve të Trump ka vërshuar brenda Kongresit të SHBA-së.

 

Presidenti i SHBA, Donald Trump ka kritikuar hapur nëpërmjet një ‘’Tweeter’’ krahun e djathtë të tij, zv/presidentin në detyrë Mike Pence.

Trump i kërkoi sot nga protesta Mike Pence që ky i fundit mos pranonte në Kongres rezultatin e zgjedhjeve nga numërimi i votave elektorale, por ky i fundit deklaroi në sallë se s’mund të ndryshonte rezultatin final.

Presidenti në detyrë e kritikon Pence se nuk pati kurajon të bëjë gjënë e duhur për të mbrojtur vendin e Kushtetutën. Sipas tij SHBA kërkon të vërtetën.

STATUSI NGA DONALD TRUMP:

Mike Pence nuk kishte guximin të bënte atë që duhej të ishte bërë për të mbrojtur vendin tonë dhe Kushtetutën tonë, duke u dhënë shteteve një shans për të vërtetuar një grup të korrigjuar të fakteve, jo ato mashtruese ose të pasakta, të cilave u kërkohej të vërtetonin më parë. SHBA kërkon të vërtetën!

 

Shpërndaje