Atentat shqiptarit në Itali, qëllohet me 2 plumba

Një 40-vjeçar shqiptar është plagosur me armë zjarri në Itali.

Ngjarja ka ndodhur gjatë orëve të natës në komunën Asti, jashtë banesës së shqiptarit në “Quarto d’Asti”. Lajmi bëhet i ditur nga mediat italiane orët e fundit, pa dhënë detaje rreth identitetit të shqiptarit, që ka mbretur pre e atentatit.

Raportohet se ai është qëlluar me dy plumba pistolete nga dy burra, të cilët më pas janë larguar.

I plagosuri është dërguar në spitalin “Cardinal Massaia” nga disa të afërm dhe ndodhet jashtë rrezikut për jetën.

Ngjarja është nën hetim nga karabinierët e Astit. Media lokale “atnews” ngre hipotezën se 40-vjeçari është qëlluar nga të tjerë shqiptarë, shkruan syri.net.

Share on FacebookShare on Google+Tweet about this on TwitterShare on LinkedIn
Lexoni po ashtu:  Samiti i BE-së: May shpreson tek dhjetori