Ambasada e Kosovës në Turqi publikon numrat ku shtetasit kosovarë mund të lajmërohen, pas tërmetit

Ambasada e Republikës së Kosovës në Turqi ka publikuar numrat e kontaktit, ku shtetasit kosovarë mund të lajmërohen pasi Turqinë e goditi një tërmet të premten.

Përmes një postimi në Facebook, Ambasada ka bërë të ditur tre numra në qytetë të ndryshme të Turqisë ku mund të paraqiten shtetasit kosovarë.

Ndryshe, më herët edhe Ambasada e Shqipërisë kishte bërë thirrje që shtetasit e Shqipërisë të vendoseshin në zona më të sigurta.

Ambasada ka publikuar edhe numrat e telefonit, ku qytetarët mund të thërrasin për çdo emergjencë.

“Një tërmet i fortë ka goditur Turqinë perëndimore, pranë zonës së Izmirit. Ambasada shqiptare në Ankara i bën thirrje shtetasve shqiptarë të gjendur në zonë të transferohen në një zonë të sigurt dhe ka vendosur në dispozicion numrin e telefonit +90 549 561 1985 për çdo rast emergjence”, thuhet në njoftim.

Ndryshe, një tërmet i fuqishëm ka goditur sot brigjet turke në veri të ishujve grek Samos.

Fuqia shkatërruese e tërmetit ishte 7.0 magnitudë, rreth 17 kilometra në brigjet e pjesës perëndimore të provincës së Izmirit, dhe u ndjerë në Athinë dhe Stamboll, ka bërë të ditur Instituti amerikan i Gjeologjisë.

Shpërndaje

Comments are closed.